EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2023/12/10

Liburuaren aurkezpena Durangon

2023/11/09

Aro-bidaia Euskal Herrian barrena


 

Eguraldiaren euskara

2022/05/04

«6.000 eguraldi-berba ditu euskarak; itzela da»

"Euskarak milaka hitz dauzka egunero eguraldiari janzteko. Tesia egin du hitz horien inguruan Diegezek eta sei milatik gora bildu ditu. Eguraldia egunerokoa da eta eragin egiten digu; horregatik hainbeste modu zorrotz eta dotore eguraldiaren xehetasunak izendatzeko". 

2022/03/30

Zozomikoteak 2022

 Badirudi martxoaren azken bi egun eta erdi eta aipirilaren lehenengo bi egun eta erdiei esaten zaiela Zozomikoteak Gipuzkoa eta Nafarroako herri batzuetan. Pello Zabalak Naturaren mintzoa deritzon liburu zoragarrian martxoak 29ri dagokion izenburuan hauxe dakar: Zozomikoteak. Ondoko hau dio, besteak beste: "... Orixek Euskaldunak poema sortan honela dio notatxo batean: "Zozo mikote, zozo-bikote: zozoak bikoka kabi-egiten asten diran garaia. Martxoaren azkeneko bi ta Apirilaren leneko bi egunak, Martxoak esan-omen Apirilari: Apiril, biribil, ekatzik egun bi. Ta Apirilak: Martxo Martxo: ematen diat esker gaizto. Nere ardirik aulenak egiten dik zazpi oin salto. Lenagoko urte batez eman egin omen zizkion, eta artaldea erreka ezin pasaz ito". Gotzon Garatek (atsotitzak) bildu duenez: martxoaren 29aren eguerditik, apirilaren 3aren eguerdira arte dira, hots, martxoaren bi egun eta apirilaren bi egun eta erdi. Ez harritu egualdi txarrak izatea, zozomikotetan gaude eta, botatzen dituzte artzainek hitzetik hortzera, egun hauetako eguraldi berdotzarekin kexu ageri bazara. Onintza Segurolak (Euskadi Irratiko eguraldiaren berri emailea) egindako elkarrizketa batean: «Zozomikoteetan gehiago sinisten dut eta normalean txarra gelditzen da». J. M. Barandiaranek hauxe bildu zuen: A ellos se refiere una leyenda de Zarauz, según la cual marzo se enfadó con un toro y trató de matarlo descargando copiosas nevadas; más el toro se guareció debajo de una encina y se mantuvo de la yerba que con sus patas descubría alrededor. Se iban acabando los días de marzo y éste pidió dos a abril, el cual se los concedió. Durante ellos marzo arreció la tempestad y logró matar al toro.

"Zozomikoteak" hitzaz gain, "zozomigoteak" eta "zozomikateak" aldaerak ere badira eta Nafarroako Urdian herrian "Ordiziegunak" (Ordiziarekin zerikusirik ote?), baina ez dakigu gauza bera adierazi nahi duenentz.

2021/12/24

Euskal lexiko etnometeorologikoak edozein egoerari egiten dio aurre

2021/12/14

Eguzki zuria


    Bizkaiko zenbait herritan "lar berotzen ez duen eguzkiari" eguzki zuria esaten zaio, batez ere udagoienean eta neguan. Lekuko batzuk badauzkagu.

"Eguski suri ederra yauk gaur" (B-Gatika); "Eguski zuri da ba, goixen datorrena, argi argi datorren eguski" (B-Jatabe). Biak Iñaki Gamindek jasotakoak. Abadiñarren ustez "eguzki makala, martxokoa, adibidez" da, berau ere Gamindek eta Salterainek batutakoa. Getxoztarren iritziz, ostera, "eguzki zuriko eguna" "edoi bako egun eguzkitsuri, eguzki zuriko egune…" izaten da (Fredi Paia).

    Hortaz, egunokin, udagoieneko Euskal Montzoia iraganik, dosta gaitezen landan eguzki zuri ederrarekin!





Etiketak: , ,

 
Contador gratis contadorplus.com -----------------------------------------------------------------